Gedoop deur ds. Buys.

Sy vader het homself blykbaar nie lank na die seun se geboorte te Stellenbosch kom vestig nie. Daar moes hy en sy jonger broer ’n redelike mate van onderwys ontvang het, en wel tot so ’nmate dat hy ’n bestaan kon maak in die dorp sonder om hom, soos dit feitlik deurgaans die geval was, op die boerdery toe te lê nie. In die boek, "Die Kerk van Stellenbosch" deur A.M. Hugoen J. van Byl word vermeld op bl. 214 dat op 16 Mei 1845 het die kerkraad van die regering berig ontvang dat die regering nie langer die salarisse van voorlesers, kostes en dis meer sou betaal nie. (Dit was nooit veel wat hulle daarvoor betaal het nie.) Die berig het die ou voorleser van die gemeente, J.J. Scholtz, groot onsteltenis veroorsaak, en hy het besluit om dan maar sy amp neer te lê na ’n dienstyd van 36 jaar. Sy versoek om ontslag is toegestaan en aan hom is vergun om nog tot die einde van daardie kwartaal die kerklike voorleserswoning te bly woon. "als synde hy die ouden zwakken en verarmde kerkdienaar."

Volgens ’n manuskrip deur hom opgestel i.v.m. familie geleenthede en ’n afskrif waarvan deur mnr. P.G.M. Scholtz, ’n onderwyser te Standerton, aan skrywer beskikbaar gestel het, verwys die ou vader na homself as "die katkiseermeester". Blykbaar het hy oor baie jare heen die katkisante opgelei vir die aflegging van die Belydenis van Geloof en verder het hy ook privaat onderwys aan kinders van die dorp gegee.