Ansela van die Kaap
1670 -
Antonetta Campher (1690-1740), notas van Bertus Scholtz
Geskryf deur Johannes Albertus (Bertus) Scholtz (1907-1997), gedigitiseer en beskikbaar gestel deur Ian Scholtz.
C.C. de Villiers gee die naam aan as Agnita. Die naam kom in die huweliksregister sowel as in die boedel van Joachim as Antoinetta en 'n enkele keer as Anthonetta. Waar de Villiers, egter, verwys na haar vorige huwelik met Arij van Wyk word die naam as Antoinetta aangegee. Hoge gee ook die naam aan as Antoinetta. Sy was die dogter van Lorenz Campher en Ansela van die Kaap.
Haar vader, Lourenz Campher was afkomstig van Danzig, Pommern nou Duitsland. Hy was later Vryburger te Stellenbosch en die eienaar van die plaas "Muratie" naby Koelenhof.
Sy was die weduwee van Arij van Wyk wat op die plaas Kuikenvallei gewoon het. Arij was die seun van Williem van Wyk en Catharina Hillebrandts. Uit haar huwelik met Arij is tien kinders gebore en uit haar huwelik met Joachim is geen kinders gebore nie. Joachim was dus verantwoordelik vir die Raesen dogter, twee Strang dogters, sy eie twee seuns en die tien van Wyk kinders - altesaam vyftien kinders.
| Eienaar van die oorspronklike | Bertus Scholtz, Ian Scholtz |
| Geskakel aan | Antonetta Campher; Lorenz Campher; Joachim Scholtz; Ansela van die Kaap; Arie van Wyk |